КУРТӐМ ВӐРÇӐ КИНОРА, Александр Хум

КУРТӐМ ВӐРÇӐ КИНОРА

Куртӑм вӑрҫӑ кинора.

Вӑрҫӑ пит хӑрушӑ.

Ҫӗр ҫунать йӗри-тавра,

Ҫӗр юлать пуш-пушӑ.

Куртӑм: пӗчӗк ачасем

Татӑлса йӗреҫҫӗ.

Тӑранса курман вӗсем,

Выҫӑпа вилеҫҫӗ.

Ҫӑкӑр кирлӗ вӗсене,

Тытчӑр сиплӗ татӑк.

Ҫӗнӗ бомба вырӑнне

Кирлӗ шкул е садик.

Шӑпчӑк йывӑҫ хушшинче

Киленсе юрлатӑр.

Пур ача та ҫӗр ҫинче

Савӑнса вылятӑр.

Александр Хум.