Аслӑ Ҫӗнтерӳ

Ял варринче шап-шурă палăк…

Çын чарăнать унта çитсен.

Карта… Чечек… Пĕр пĕчĕк алăк ,

Чун пăлханать шала кĕрсен.

Мĕн чухлĕ ят унта вулатпăр,

Йăлтах эпир пĕлен ятсем.

Вĕсем камне аван чухлатпăр:

Асаттесем те аттесем.

Тахçан вĕсем пура пуранă,

ÿстернĕ ешĕл йывăçсем.

Тыр-пул пухса уйра тарланă,

Çын тулăх пурăнтăр тесе.

Кайран… тăшмансене аркатнă

Хăрушă пушара кĕрсе,

Пире валли телей упранă,

Чакмасăр, çапăçса, тÿнсе.