стихотворение Петра Хузангая "Таня"

Амăшне каларĕ хĕрĕ

Вăрттăн ерипен

Эп вăрçа каятăп терĕ

Маншăн ан шиклен

Амăш чăр тинкерчĕ Эсĕ

Чакрĕ чакрĕ вăй

Хĕрхенсе куççулленмесĕр

Тÿсеймерĕ вăл

Куç тулли тăрать пĕртен-пĕр

Хĕрĕ умĕнче

А йĕри-тавра хисепсĕр

Юн тăкан тĕнче

Эх, анне чĕри Çунать-çке

Вăл çапла ялан

Çумĕнчи ăшă çуначĕ

Пушшине туйсан

Йăвине тĕрĕс-тĕкеллĕн

Вăл усрасшăнах

А чĕппи ĕнтĕ тĕкленнĕ

Вăл калать сăмах

Ан йĕрсем тет вăл ан макăр

Ан кулян, анне.

Астăватăн-тăр, манман-тăр

Ху каланине.