А. Алка "Юн"

Вĕçнĕ хаяррăн, нимрен хăрамасăр
Ӳт шыракан пульăсем шăхăрса.

Аслă вăрман варринче хускалмасăр

Выртнă яш çын вĕри юн юхтарса.

Вăрçă таçта аякка сулăнсассăн,

Кутăн чаксассăн ылханлă тăшман,

Юн шăршине сиссе имĕш хавассăн,
Каччă çине вĕçсе аннă çăхан.
Выçă çăхан! Ун ури çине пуснă,
Вичкĕн сăмси те ăмсаннă сăхма!
Каччă чĕтреннĕ, куçне хăвăрт уçнă:
— Çук, парас çук эп сана юнăма!
Çăткăн! Эй, ан кăранклат чĕрĕ юншăн,
Вăл пурпĕрех сан пырна çăвас çук!..