Иван Малгай Шурă кăвакарчăн

Юр пек шурă, шурă кăвакарчăн
Танк çине хăюллăн пырса ларчĕ,
Каллĕ-маллĕ утса пăхкалать,
Кăлтăр-кăлтăр туса тем калать.
Чĕлхи çук çав, калĕччĕ пурне те.
Эп ăна пĕлетĕн, хĕрхенетĕп.
Вал юратнă капăр карниса
Фашистсем çунтарнă-мĕн пырса.
Сар туталлă сарă чĕпписем те
Пулнă пулĕ. Çунчĕç пуль вĕсем те.
Пĕтнĕ ял, кĕл пулнă пĕтĕмпех.
Вĕçсе кайнă пурлăх тĕтĕмпе.
Çук никам - ытла та хурлантарчĕ.