Николай Евстафьев Амӑш пилӗ

Хапха умне тухса тӑрса

Амӑш ӑсатнӑ ывӑлне,

Анчах йӗрсе те макӑрса

Йывӑрлатман салтак чунне.

Юлашки хут ыталаса

Каланӑ вӑл хуллен ӑна:

- Пӗлетӗп йывӑр пуласса,

Нумай асап кӗтет сана.

Ялан вӑй кӗтӗр чӗрӳне,

Сав аннӳне те çӗршыва.

Шанатӑп эпӗ, ӗненетӗп:

Киле эс таврӑнӑн сывах…

Хӑрушӑ пулнӑ вӑрçӑра,

Ҫапах пуçне усман салтак.

Ялан хӗрӳ çапӑçура,

Ялан вутра, ялан малта.