Александр Алка. «Ырă ят»

Александр Алка. «Ырă ят»

Çĕрлехи çапăçу чакаланă сăрта

Çутатать çурхи шуçăм - çут ылтăн…

Сывлăм ӳкнĕ варта çамрăк паттăр выртать,

Пăшалне чăмăртанă хăй хыттăн.

Ӳксе выртнă çĕрте юлташне вăл шырать.

Вăйсăр куçĕ ун вилĕм пек сыхă…

Юлташ мар-çке умра, савни мар-çке çумра,-

Палламан хĕр сӳтет шурă çыхă.

«Ан та тăрăш, юлташ, - илтĕнет лăпкă сас, -

Сăрхăнать юлашки чĕрĕ юнăм;

Ӳте пуля кăшлать, ăша тимĕр касать;

Сивĕ вилĕм туять çамрăк чунăм.