Николай Евстафьев Амеш пиле

Хапха умне тухса тăрса

Амăш ăсатнă ывăлне

Анчах йĕрсе те макăрса

Йывăрлатман салтак чунне

Юлашки хут ыталаса

Каланă вăл хуллен ăна

Пĕлетĕп йывăр пуласса

Нумай асап кĕтет сана

Вилес пулсассăн чĕрÿне

Пар пархатарлăн çĕршыва

Анчах шанатăп, ĕненеп

Киле эс таврăнăн сывах

Инçе-инçе çула кайса

Хăварнă йĕкĕт амăшне

Каçхи тăманлă ҫил шăлса

Хупланă паттăрăн йĕрне

Вăл курнă вилĕм çавине

Вăл илтнĕ хурçă йĕнине

Ҫапах пĕр пуля та унне

Юхтарайман вĕри юнне