Порфирий Афанасьев

Порфирий Афанасьев

Ветерансем

Утать хăватлă халăх – çĕлĕк хыв!

Çĕнтерĕве чыслать Тăван çĕршыв.

Кĕрлет янравлă марш Çӳл тӳпене çити, –

Сулмаклăн илтĕнет салтак утти.

Утаççĕ паттăрсем – ветерансем,

Куççуль те савăнăç тутаннă аттесем,

Çут тĕнчене вутран хăтарнисем,

Пире телейлĕ пурнăç панисем –

Ветерансем.

Савса хĕвеллĕ тăнăç пурнăçа

Эсир васканă çулăмлă вăрçа.

Шăраннă пуль вутра

Е путнă пуль шывра –

Эсир çĕнтернĕ çав çапăçура!