А. Артемьев "Салтак амӑшӗ"

А. Артемьев «Салтак амăшĕ»

Кам сана, мăнтарăн, лăплантарĕ-ши,

Кам хăйса калайĕ, хĕрхенсе:

"Чи асаплă, чи сăваплă салтак амăшĕ,

Ан хурлан, ан йĕр", – тесе?

Кашни вăрçă саншăн – чун çунтармăшĕ.

Салтакран çыру та, сас та çук...

Эс мĕнле кăна çунман пуль, салтак амăшĕ,

Пĕр хыпарсăр кĕтнĕ чух?

Эс мĕн чухлĕ халь те макăрмарăн-ши,

Курманни тата мĕн юлчĕ-ши?

Паттăр эсĕ, ывăлу пек, салтак амăшĕ,

Пуç таять сана Çĕршыв.