Вăй патăр ашшĕ- амăш пилĕ

Ах,йывăр уйрăлу саманчĕ.

Чĕре-çке татăлса йĕрет...

Хытсамччĕ,кăмăлăм,хытсамччĕ,

Тăшман пиртен... куççуль кĕтет!

Ан хÿхлĕр-ха, ан хÿхлĕр сывă

Ывăлсене хурлантарса!

Сывпуллашма пулсан та йывăр,

Чăтсамăр кăмăл хытарса.

Вăй патăр ашшĕ-амăш пилĕ:

Ан пăшăрханччăр салтаксем!

Асра тăрсассăн тăван килĕ

Чунпа та çирĕпрех вĕсем.

Кĕрешчĕр тăшманпа, çĕнтерччĕр!

Вĕсемшĕн тивмĕ ÿкĕнме.

Раççей вутчуль пек çирĕп теччĕр, 

Фашист ан хăйтăр сĕкĕнме!