Чыслатпӑр Ҫӗнтерӳ кунне

Çyлсеренех çут çуркунне

Чыслатпăр Çĕнтерÿ кунне.

Паттăрсене халалласа,

Пуçа таятпăр шăпланса.

Шур палăк ,асăну хăми,

Астăвăм-ĕмĕрлĕх хăни.

Паян, ыран та,малашне

Манмастпăр Çĕнтерÿ хакне!

Вăрçа кайса пуç хунисем,

Вут-çулăм витĕр тухнисем,

Çĕнтерÿпе таврăннисем,

Тылра ĕçпе хуçăлнисем-

Пайтах пуль курнă асапне

Çапах яман Çĕршыв ятне.

Упранăшăн тăван çĕре

Çут кун пилленĕшĕн пире

Тавах сире,мухтав сире,

Сăваплăх пултăр ĕмĕрех!