Ветеран

Ват салтак! Çĕнтерÿ кунĕпе
Саламлатăп сана кăмăлтан.
Ветеран! эс пире çупăрлан
Сар хĕвелĕн ăшă çути пек.

Çĕнтерÿçĕ-салтак, ветеран!
Кăкăр тулли медальпе ларан.
Паянхи кун мĕнлерех пурнан,
Ыратать пуль вăрçăри суран.

Тăнлаври çÿçÿсем ав шуралнă,
Пит çинчи йĕрÿсем тарăнланнă..
Турă панă сире шутлă кун,
Сахаллантăр чылай кашни çул.

Манар мар вăрçăри салтака,
Асăнар-ха ун чаплă ятне!
Тăшманран çинĕ вăл патака
Сывă пултăр тесе Çĕр-анне!