Зоя Сывлăмпи "Ҫĕнеймĕҫ Раҫҫей салтакне"

Йăлтах пăтранать ҫут тĕнче:

Кураймăн вут-ҫулăм вĕҫне….

Унта, Украина енче,

Фашизм ҫĕкленĕ пуҫне.

Вутра халь Луганск та, Донбасс..

Епле ҫакна халăх чăтать?

Ҫапла самани… Мĕн тăвас?-

Эпир суйламан вăхăта.

Кĕрешнĕ фашист мурĕпе

Тахҫан асатте, кукаҫи,

Ун чух ҫĕрĕпе, кунĕпе

Кĕрленĕ Аттелĕх вăрҫи.

Паян юн тăкса ҫапăҫма

Тивет вĕсемпе мăнуксен.

Йышпа ҫĕнтерӳ туптама

Ҫитейтĕр вăй-халĕ вĕсен.

Шанатпăр: сӳнет ҫулăм-вут.

Кăтартĕ ҫĕр-шыв хăватне!

Нихҫан, нимĕнле ҫичĕ ют

Ҫĕнеймĕ Раҫҫей хăватне!