Лучшее исполнение стихотворения. Аркадий Лукин. "Манман-ха вăрçă суранне".

Аркадий Лукин. Манман-ха вăрçă суранне.

Манман-ха вăрçă суранне:

Тăван çухатнă тăванне;

Кĕтет паян та ывăлне

Шур çÿçлĕ ватă асанне.

Манман-ха вăрçă суранне:

Вăрман та, улăх та çаран…

Куратпăр бомба ванчăкне

Хире суха тума тухсан.

Манман-ха вăрçă суранне:

Ял-ялсенче те хулара.

Пуç хунă паттăрсен ятне –

Сăваплă палăксем умра.

Манман-ха вăрçă суранне:

Куççуль типмен-ха çĕр çинче!

Сыхлатпăр пурнăç хĕвелне

Тăван çĕршывăн чиккинче.