Петēр Хусанкай «Ман çăлтăр»

Ман Ҫӑлтӑр

Ман чатӑрӑн ҫӗтӗкӗнчен

Пӑхать пӗр ҫӑлтӑр каҫсерен.

Ҫил кӗрӗ, тумлӗ шыв, пӗлеп.—

Ҫав шӑтӑка сапламӑп эп.

Мӗскер тӑвас? Поэт-салтак

Сентименталлӑ ҫав пӑртак.

Шанас килет: ман ҫӑлтӑр вӑл.

Манран ниҫта ан юлтӑр вӑл.

Ăҫта пулсан та эп-часах

Мана вӑл туптӑр шыраса.

Вакун чӳречинчен пӑхса

Мана вӑл ятӑр ӑсатса.

Палаткӑра е окопра

Манпа вӑл пултӑрччӗ вара.

Разведкӑна е хурала

Манпа вӑл тухтӑр каҫпала.…Ссылка на текст