Аслӑ Ҫӗнтерӳшӗн

Ман асатте.

Аслă вăрçа тухса кайнă

Ман асатте вун çиччĕре.

Хаяр çапăçура вĕлернĕ

Сĕмсĕр тăшман ун ашшĕне.

Тавăрма шутланă уншăн

Ылханса фашист йăхне.

Асатте çапăçнă вăйлăн

Шеллемесĕр пурнăçне.

Хурçă çуннă,çурт арканнă,

Йывăр пулнă вĕсене.

Çĕнтерĕве пурте шаннă

Аркатса тăшман вăйне.

Унăн танкĕ хыççăн чупнă

Хĕрлĕ çар салтакĕсем.

Вĕсем пурте ĕмĕтленнĕ

Берлина пырса кĕме.

Пуç тайса пуçтарăнатпăр

Çулсерен палăк умне.

Чысласа салют паратпăр

Мухтаса паттăрсене.