"Ан манӑр!"

Ан манӑр!

Хӑрушӑ вӑрҫӑ тӗнчене таптарӗ,

Тискерлӗх вӑйӗ хуҫрӗ ҫурмалла.

Тӑшман сӑнни этем юнне юхтарчӗ,

Ҫапах чакмарӗ Паттӑр каялла.

Пин-пин салтак ҫапӑҫура пуҫ хучӗҫ -

Таврӑнаймарӗҫ вӑрҫӑ хирӗнчен.

Пирӗн пекех ӗмӗтсене шанатчӗҫ -

Тӑван ҫӗре сыхларӗҫ виличчен.

Пире валли ҫут пурнӑҫ парнелерӗҫ,

Телейлӗ кун - Ҫӗнтерӗве сиссе.

Ҫав ыр ятсем палӑксене вырнаҫрӗҫ -

Асран тухса ан лартӑрччӗҫ сӳнсе.

М.Иванова