Надежда Силпи «Пире вăрçă кирлĕ мар!»

Надежда Силпи «Пире вăрçă кирлĕ мар!»

Ан пултăр вăрçă нихăçан

Ан юхтăр юн тăпра çине.

Кăлармĕ халăх манăçа

Хăрушă вăрçă нушине.

Кукаçăм та салтакчĕ ман,

Фашистсене вăл парăнман.

Асрах Чечня,Афганистан,

Вĕсем çинчен эпир манман.

Ан пултăр вăрçă нихăçан,

Ăна çĕнме вăй çитерер.

Пурнар-и туслăн çураçса,

Пĕрне-пĕри килӳштерер!

Çитĕнтерер тыр-пул уйра,

Хаваслă юрă янратар.

Сыхлатăр Турă хуйхăран,

Пĕрре те вăрçă кирлĕ мар!