Аркадий Лукин "Салтак шинелĕ"

Ала пек шăтарса пĕтернĕ

Салтак шинелĕ кив шинель

Анчах тăван киле ҫитернĕ

Вăл ман ҫĕршывăн ăшшине

Шутне пĕлеймĕн шăтăк-ҫурăк

Тен памалла халь музее

Анчах килте юлмасть-ҫке урăх

Шинельсĕр йывăр мучие

Кăна Мускав енче шăтарнă

Ку шăтăк Сталинград палли

Курск таврашне юнпа шăварнă

Шинелĕн пур каламалли

Мăн Атăл Днепр Эльба Висла

Е Берлинти хура рейхстаг

Европăна мучийĕм виҫнĕ

Ăна хăтарнă вăл салтак

Ан хăйтăр ҫичĕ ют килмешкĕн

Тӱпемĕр тăтăр кăн-кăвак

Хăй ҫĕршывне хӱтĕлемешкĕн

Ман халăх яланах САЛТАК!